मुख्यमन्त्री प्रेम सिंह तमाङद्वारा पद्मश्री तुला राम उप्रेतीलाई अन्तिम श्रद्धाञ्जली

सिक्किमका मुख्यमन्त्री श्री प्रेम सिंह तमाङले आज असम लिङ्जेस्थित स्वर्गीय पद्मश्री तुला राम उप्रेतीको निवासमा पुगेर उहाँप्रति अन्तिम श्रद्धाञ्जली अर्पण गर्नुभयो।

राज्य सरकारले स्वर्गीय उप्रेतीप्रति सम्मान प्रकट गर्दै उहाँको अन्त्येष्टि सम्पूर्ण राजकीय सम्मानका साथ सम्पन्न गरिने निर्णय गरेको छ।

स्व. तुला राम उप्रेती जैविक कृषि तथा परम्परागत खेतीका अगुवा हुनुहुन्थ्यो। सिक्किमलाई दिगो कृषि तथा जैविक खेतीतर्फ उन्मुख गराउन उहाँको अतुलनीय योगदान रह्यो। उहाँको समर्पणले धेरैलाई प्रेरित गरेको छ र सिक्किमलाई गौरवान्वित बनाएको छ। उहाँको योगदानले भावी पुस्तालाई कृषि र दिगोपनतर्फ अग्रसर गराउने विश्वास गरिएको छ।

मुख्यमन्त्री श्री तमाङले सिक्किम प्रदेशका जनताका तर्फबाट स्वर्गीय उप्रेतीका परिवारजन, आफन्तजन तथा शुभेच्छुकहरूप्रति गहिरो समवेदना व्यक्त गर्दै दिवंगत आत्माको चिरशान्तिको कामना गर्नुभयो।

ॐ शान्ति।